ഓഫീസില്‍ ലേറ്റ്‌..
എറണാകുളത്തേക്ക്‌ സ്ഥിരമായി ട്രെയിന്‍ യാത്ര ചെയ്തിരുന്ന കാലത്ത്‌ (ജോലി വല്ല്യ ആവശ്യമായിട്ടൊന്നുമല്ല... അല്ലെങ്കില്‍ പട്ടിണി കിടക്കേണ്ടി വരുമല്ലോ എന്ന് ഓര്‍ത്തിട്ടാ..) റെയില്‍ വെ സ്റ്റേഷനില്‍ ലേറ്റ്‌ ആയി എത്തുന്നതില്‍ ഞങ്ങളും ട്രെയിനും തമ്മില്‍ എന്നും മല്‍സരമായിരുന്നു.
9.30 ന്‌ ഓഫീസില്‍ എത്തണമെങ്കിലും ഒരു 15 മിനിട്ടെങ്കിലും വൈകാതെ എത്തിപ്പറ്റാന്‍ സാധിക്കാറില്ല എന്നതാണ്‌ വസ്തുത.
എങ്കിലും ചായ വന്ന് പോകുന്നതിന്‌ മുന്‍പ്‌ ഓടികിതച്ച്‌ എത്തുന്ന കണ്ടാല്‍ തോന്നും ചായ കുടിക്കാനാണ്‌ ഓഫീസില്‍ പോകുന്നത്‌ എന്ന്.
എന്റെ സുഹൃത്ത്‌ രാജന്റെ ഓഫീസില്‍ മാനേജര്‍ക്ക്‌ ട്രെയിനിന്റെ കൃത്യത അറിയാമായിരുന്നതിനാല്‍ ഇത്‌ കാര്യമാക്കാറില്ല.
സ്ഥലം മാറ്റം കിട്ടി പോയ മാനേജറുടെ സ്ഥാനത്ത്‌ വന്ന പുതിയ മനേജര്‍ രാജന് തലവേദനയായിത്തീര്‍ന്നു.
ലേറ്റായി എത്തുന്ന രാജനെ നോക്കിയിട്ട്‌ മാനേജര്‍ ക്ലോക്കിലേക്ക്‌ ഒന്ന് നോക്കും... (അത്രയേ ഉള്ളൂ... വേറെ ശല്ല്യം ഒന്നും ഇല്ല).
'ഇയാളെന്താ... ക്ലോക്ക്‌ ആദ്യമായി കാണുന്നതാണോ' എന്ന് മനസ്സില്‍ പറഞ്ഞ്‌ രാജന് സീറ്റില്‍ പോയി ഇരിക്കും.
എന്നാല്‍ ഇങ്ങേരുടെ വിഷമം തീര്‍ത്തിട്ട്‌ തന്നെ എന്ന് രാജന് തീര്‍ച്ചയാക്കി.
അടുത്ത ദിവസം ഇതു പോലെ ക്ലോക്കിലേക്ക്‌ എത്തി നോക്കുന്ന മാനേജറോട്‌ രാജന്റെ പുഞ്ചിരിച്ചു കൊണ്ടുള്ള ചോദ്യം..
'സാര്‍ ഇന്ന് നേരത്തെ എത്തിയോ?'
'ങാ..' എന്ന് തീരെ രസമില്ലാത്ത രീതിയില്‍ പറഞ്ഞ മാനേജറോട്‌ രാജന്റെ അടുത്ത അന്വേഷണം..
'ചായ വന്ന് പോയോ സാര്‍..'
posted by സൂര്യോദയം @ 4:35 AM
2 Comments:
This comment has been removed by a blog administrator.
ചായ പോയോ എന്ന് ചോദിച്ചാല്‍ ജോലി പോവോ?
Post a Comment
<< Home