വൈക്ലബ്യത്തിലാക്കുന്ന സംശയങ്ങള്
കുട്ടികളുടെ സംശയങ്ങള്ക്ക് പലപ്പോഴും ഉത്തരം മുട്ടിപ്പോകുന്ന അച്ഛനമ്മമാരുണ്ട്.
എന്റെ അനുജത്തി അവളുടെ ഒന്നാം ക്ലാസ്സില് പഠിക്കുന്ന മകനെ പഠിപ്പിക്കാന് ശ്രമിച്ചപ്പോള് നേരിടേണ്ടിവന്ന ഒന്ന് രണ്ടെണ്ണം..
രാഷ്ട്രപിതാവ് ഗാന്ധിജിയാണെന്ന് പറഞ്ഞ് കൊടുക്കുന്നതിനിടയില് അവന് ചോദിച്ച ചോദ്യം...
"അപ്പോ രാഷ്ട്രമാതാവാരാ??"
"രാഷ്ട്രമാതാവൊന്നുമില്ല.. നീ ഈ പറയുന്നത് പഠിയ്ക്ക്.."
"അപ്പോ ഗാന്ധിജി കല്ല്യാണം കഴിച്ചിട്ടില്ലേ..???"
പഠിപ്പിക്കല് തുടര്ന്നു...
"----- ലൂടെ നടക്കണം..."
"റോഡിലൂടെ നടക്കണം.." ഉത്തരം വന്നു.
"എടാ.. റോഡിലൂടെ നടന്നാല് വണ്ടി ഇടിയ്ക്കില്ലേ.... ഫുഡ് പാത്തിലൂടെ നടക്കണം എന്നാണ്..."
"അവിടെ നിറയെ പുല്ലല്ലേ... പാമ്പ് കടിയ്ക്കില്ലേ???" ന്യായമായ ചോദ്യം...